Македонија
13. September 2016 - 15:07

Проширен патот Неготино - Кавадарци

Проширен е патот на излезот од Неготино кон Кавадарци, реализацијата на зафатот e на “Македонија пат”, во соработка со Државната агенција за патишта.

Петар Емшов, раководител на Македонија пат од Неготино, информираше  дека проширувањето значи поголема прегледност и подобра безбедност за учесниците во сообраќајот.

 -Ова е особено важно бидејќи на овој дел од патот каде има кривина, во минатото се случуваа сообраќајки. Токму затоа ова беше своевидна црна точка. За да се намалат незгодите, се симна дел од околната земјена површина која беше во државна сопственост. Проширувањето е од двете страни, некаде по околу 1.2 до 1.5 метри, соопшти Емшов.

Нагласи дека заедно со проширувањето, поставена е и соодветна патна сигнализација.