Пронајдени 100 килограми кокаин во контејнер со банани на атинското пристаниште
На атинското пристаниште Пиреас, во внатрешноста на контејнер полн со банани биле откриени и запленети 100 килограми кокаин, распределен во 90 пакувања, објавија грчките медиуми, јави дописничката на МИА од Атина.
Според „Катимерини“, контејнерот пристигнал од Еквадор, а атинското пристаниште била крајната дестинација на товарниот брод.
Кокаинот не бил откриен при рендгенската проверка, туку бил пронајден по физичката контрола од секторот за борба со дрога на грчката полиција, во соработка со одделот за борба со финансиски криминал.
Ова е втор ваков случај во период од еден месец, кога на 3 февруари, исто така во контејнер со банани од Еквадор биле откриени и запленети 34 килограми кокаин, со таа разлика што тогаш, крајната дестинација била Турција.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април