Пронајден жив Кинезот кој пред 17 дена беше пријавен за исчезнат по земјотресот
Мажот кој 17 дена беше пријавуван за исчезнат по земјотресот во кинеската југозападна провинција Сечуан е пронајден жив, пренесува АП.
Работникот на хидроцентралата Ган Ју беше пријавен за исчезнат по земјотресот со јачина од 6,8 степени според Рихтеровата скала што го погоди Сечуан на 5 септември. Тој по 17 дена бил пронајден жив од локален жител, јави кинеското радио.
Ган Ју и неговиот колега Луо Јонг останале во хидроелектраната Вандонг на 5 септември за да им помогнат на повредените колеги и да помогнат во спречување на поплави со испуштање вода од браната. Ган и Луо се обиделе да заминат и пешачеле околу 20 километри во планините околу хидроцентралата.
Неделава во потрагата се вклучи и земјоделец кој живее во близина на хидроцентралата и го знае теренот и по неколку часа го слушнал Ган и го нашол под дрвјата.
Според кинескиот весник China Daily, Ган рекол дека го преживеал 17-дневното искушение пиејќи вода и јадејќи диво овошје. Тој бил пренесен во блиската болница, каде што лекарите откриле дека има неколку скршеници, јавува АП.
Ново на Сител
-
За 45 дена државата да врати 2,2 милиони евра за злоупотерба на Еразмус програмата
-
Мицкоски потпиша коалиција со 24 партии, повика на масовна излезност
-
Села носител на листа во петката од Европскиот фронт – утре ќе потпише договор со Ахмети
-
СДСМ: Побрз економски раст и подобар стандард ќе донесе членството во ЕУ
-
Тројца млади лица загинаа во Кичево
-
Потпишан договор, цената порасната
-
Тренчевска: Ветувањето на ВМРО-ДПМНЕ за зголемување на пензиите ќе го дестабилизира пензискиот систем
-
Белата чума коси во државата: Секоја година има се помалку ученици