-->
-->
Промоција на романот за деца „Светот на сребрениот кладенец“
-->
Во Театарот за деца и младинци вечер ќе биде промовиран романот за деца „Светот на сребрениот кладенец“ од Коста Милков, издание на „Метаноја“.
- Ова е приказна за два света, две деца и еден татко кои низ разни искушенија ќе се соочуваат со изборот да му се противстават на злото и да се борат во името на доброто по цена на големи жртви и болка, или, пак, да тргнат по навидум полесниот пат без отпор кој нема да ги чини напор и болка, но ќе ги чини она заради што животот е вреден за живеење: радост и љубов, соопшти издавачот.
Првиот роман за деца на Милков вечер ќе го промовираат Оливера Ќорвезироска и Владимир Мартиновски.
Во поговорот Ќорвезироска наведува дека авторот успеал да создаде впечатлив, првенствено потребен, на извесен начин речиси неопходен, роман во домашната книжевност.
- „Светот на сребрениот кладенец“ е наш „Хари Потер“, наш „Хобит“ и „Господар на прстените“ … Моделот на одличен спој на забава и функционална дидактика е модел според кој треба да функционира литературата за млади и според кој, јасно, директно и препознатливо, функционира и „Светот на сребрениот кладенец“. Ова не е здодевен роман. Напротив. Тој не е ни преедноставен, ни пресложен. Не е наивен, ниту наметлив. „Светот на сребрениот кладенец“ е роман со јасно поставена и остварена амбиција, пишува Ќорвезироска во поговорот.
Коста Милков (Струмица, 1970) се образовал во Скопје, Осиек, Бостон и Оксфорд. Претседател е на Балканскиот институт за вера и култура, автор на бројни стручни написи, а пишува и поезија и проза.
-->
-->
-->
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација