Промоција на романот „Невидливи љубови“ од Владимир Јанковски
Романот „Невидливи љубови“ на Владимир Јанковски, во издание на „Антолог“ вечер со почеток во 20:30 часот ќе биде промовиран во Галеријата при МКЦ.
„Невидливи љубови“, е втор роман на Јанковски, кој е составен од три приказни. Во делото авторот преиспитува некои од клучните аспекти на современата љубов: односот меѓу присуството и отсуството, опседнатоста со појавното и со видливото, идејата за Другиот како конструкција и како фикција. Како се однесува кон девојката што ја сака некој кој може да се преобразува во предмети? На кој начин сака човек опседнат со набљудување? Што прави оној кој, секогаш кога ќе се доближи до девојката во која е вљубен, станува невидлив? Ова се само дел од клучните прашања во романот.
- Две нетипични бајки за возрасни премостени со една филмски раскажана приказна, во кои како во музичка композиција идеите варираат, се надополнуваат, си противречат или течат паралелно една покрај друга, посочува издавачот.
Промотор на романот ќе биде академик Влада Урошевиќ, а делови од книгата ќе читаат Николина Андова-Шопова и Владимир Мартиновски. Во рамки на промоцијата ќе се одржи и разговор со авторот.
Романот „Невидливи љубови“ од Јанковски е објавен со поддршка од Министерството за култура на Република Македонија.
Ново на Сител
-
ВМРО-ДПМНЕ: Анкетите се јасен приказ за тоа што мислат граѓаните за СДСМ
-
Јапонските сили за самоодбрана ја одржаа својата годишна вежба во областа Фуџи
-
Рускиот амбасадор во Лондон предупреди дека војната во Украина може да ескалира доколку Велика Британија продолжи да испорачува оружје на Киев
-
Експлозија во близина на трговски центар во Риека, уапсени двајца осомничени
-
Вучевиќ: Вучиќ ќе биде лидер на новото движење во Србија, нема причина за страв
-
Мило: Курти си игра со оган
-
Разбиена нарко-група во Германија и Белгија, уапсени 17 Албанци
-
На територијата на СВР Битола санкционирани девет возачи под дејство на алкохол