Промоција на Македонско-албански/Албанско-македонски речник за деца
Првиот илустриран Македонско-албански/Албанско-македонски речник за деца денеска ќе биде презентиран пред учениците од ОУ „Гоце Делчев“ од Гостивар. Речникот содржи по 4.500 термини од двата јазика и е преземен од наставната програма од повисоките одделенија во основното образование.
Речникот ќе го презентира високиот комесар за национални малцинства на ОБСЕ - Висок комесаријат за национални малцинства (ВКНМ) Ламберто Заниер.
- Речникот е на линија на долгорочната поддршка на ВКНМ за политики насочени кон надминување на сегрегацијата во училиштата и во општеството како целина. Проширувањето на обемот на алатките за учење јазик за ученици од основно образование е директно во насока кон остварувањето на оваа цел, информираат од минисјата на ОБСЕ во Скопје.
Појаснуваат дека се содржани и кратки осврти на граматиката на двата јазика и одреден број илустрации прилагодени на возраста. Изработен е од тим на експерти од Универзитетот „Св. Кирил и Методиј“ во Скопје и Државниот универзитет во Тетово. Речникот исто така е достапен онлајн и како апликација за андроид и ајОС уреди.
Детскиот речник е подготвен од ВКНМ и Нансен дијалог центарот Скопје, со финансиска поддршка од германската влада.
Вчера речникот беше промовиран пред учениците во ОУ „Братство“ во Скопје.
Ново на Сител
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија