Проект за зајакнување на капацитетите на општинските совети
Програмата на Обединетите нации за развој (УНДП) во соработка со Министерството за локална самоуправа и Министерството за финансии и со поддршка на Швајцарската агенција за развој, е носител на проектот „Зајакнување на капацитетите на општинските совети“.
Тој денеска беше претставен во Струмица, пред повеќе од педесет претседатели на советите на општини во Македонија, каде што иницијативата за неговата реализација ја поздрави Љупчо Пренџов, заменик-министер за локална самоуправа.
- Ова е значаен проект за Министерството за локална самоуправа затоа што доброто управување на локално ниво значи воспоставување на стандардите коишто произлегуваат од документите на Советот на Европа и гаранција за функционалноста на системот на локалната самоуправа кој е еден од најкомплексните и кој има најдиректно влијание на животот на граѓаните, рече Пренџов.
Тој ја истакна улогата на членовите на советите како претставници на граѓаните во општината. Преку нивната работа, рече Пренџов, се огледува степенот на демократија на локално ниво, како гаранти на транспарентното и одговорно работење на локалната власт, луѓе со интегритет и вистински претставници на интересите на граѓаните што ги претставуваат.
- Во оваа прилика сакам да го поздравам формирањето на Комитетот на советите, во рамките на ЗЕЛС, со што покрај градоначалниците и членовите на советите си го потврдија своето значајно место и улога во системот на локалната самоуправа. Ова е начин тие да делуваат вмрежено, користејќи ги позитивните искуства од општините и учејќи едни од други, додаде Пренџов.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп