Македонија
30. April 2021 - 17:44

Продолжува вакцинацијата на постарите жители на Македонски Брод

Во Здраствениот дом во Македонски Брод продолжува вакцинацијата на жителите постари од 73 години. Досега се вакцинирани 130 жители во општината.

-Во Македонски Брод имунизацијата тече без прекин, со исклучок на перодот од четири дена кога имавме прекин во апликацијата„ Мој термин“, што предизвика и застој во пријавувањето. Се вакцинираат лица постари од 73 години и досега се вакцинирани 130 граѓани со вакцината на „Астра Зенека“, изјави д-р Жарко Симески.

Тој истакна дека на залиха се уште 70 единици од оваа вакцина, кои се очекува да се потрошат следната седмица.

-Досега нее забележан ниту еден потежок случај на алергија по вакцинацијата, вели Симески и појасни дека покрај постарите жители во општината, деновиве заврши ревакцинацијата и на втората група вработени од Здравствениот дом и за вакцинација преостануваат уште вработените во администрацијата.

-Деновиве и втората група вработени од Здравствениот дом во Македонски Брод ја прими и втората вакцина на Спутник-В и досега во нашата установа се вакцинирани 42 лица и за вакцинација преостануваат уште 20 лица, кои во наредниот период ќе треба да се вакцинираат,и посочи дека се работи за лицата кои се вработени во администрацијата и во заедничките служби, рече тој.

Симески потсети дека од оваа општина има хоспитализирано двајца пациенти заболени од Ковид 19, по еден во Прилеп и Тетово.