Продолжува собраниската расправа за Предлог-буџетот за 2021
Во собраниската Комисија за финансирање и буџет денеска продолжува расправата по Предлог-буџетот за 2021 година. Седницата е најавена во 11 часот.
Собраниската расправа по предложениот буџет за следната година почна минатата недела. Министерот за финансии Фатмир Бесими пред пратениците образложи дека Предлог-буџетот има три основни цели – зајакнување на системот на здравствена заштита, поддршка за економска стабилизација, како и непречено финансирање на основните функции на државата и поддршка за реформите во правосудството и евроатланските интеграции.
„Здравје“ е клучен збор за Предлог-буџетот за 2021 година, рече Бесими, додавајќи дека најважно и најприоритетно е здравјето на граѓаните, здравата економија и здравите финансии.
За опозицијата, предложениот буџет е нереален и строго партиски и со него нема да се поддржат реалниот сектор и граѓаните, додека за пратенците од власта буџетот е континуитет на одговорните и домаќински политики на Владата предводена од СДСМ.
Согласно Деловникот за работа на Собранието, расправата за Предлог-буџетот трае 10 дена. На владиниот Предлог-буџет поднесени се околу 500 амандмани од кои најголем дел од ВМРО-ДПМНЕ.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово