Продолжува шестата собраниска седница
Собранието на Република Македонија денеска ќе ја продолжи шестата седница на која треба да се изјасни за изборот на Спасе Глигоров за директор на Агенцијата за администрација.
Во општата расправа, што заврши вчера, заменик-министерот за информатичко општество Александар Бајдевски истакна дека Глигоров ги исполнува сите законски услови и оти професионално и одговорно ќе ги извршува работните обврски.
Пратениците од опозицијата го оценија изборот на Глигоров како незаконски и посочија дека со него се потврдува оти СДСМ врши целосна партизација на администрацијата.
На дневен ред на оваа седница е и разрешувањето на јавниот обвинител Марко Зврлевски, предлог-измените на Законот за работните односи поднесен од Нола Исмајлоска, Магдалена Манаскова и Весна Пемова и годишните извештаи за работата на повеќе институции. Пратениците треба да расправаат и за состојбата со дивата депонија во Струга, предлог поднесен од група пратеници од ВМРО-ДПМНЕ.
Покрај собраниската седница денеска во Парламентот, седница ќе одржи и Комисијата за политички систем и односи меѓу заедниците на чиј дневен ред е граѓанската иницијатива со предлогот за донесување на закон за изменување на Законот за работни односи заедно со Предлогот на законот за изменување на Законот за работни односи на 242 граѓани доставена преку овластениот предлагач Снежана Кузмановска.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак