Продолжува програмата „Денови на Мајка Тереза“

Филозофскиот факултет при Универзитетот „Св. Кирил и Методиј“ во Скопје денеска со пригодна академија ќе се вклучи во манифестацијата „Денови на Мајка Тереза“. 

Поздравни обраќања ќе имаат Горан Ајдински, декан на Филозофскиот факултет,  Валентина Божиновска, директор на Комисијата за односи со верските заедници и религиозни групи, и Јован Пејковски, раководител на Институтот за социјална работа и социјална политика „Мајка Тереза“ при Филозофскиот факултет Скопје.

Директорката на Комисијата за односи со верските заедници и религиозни групи Божиновска и скопскиот бискуп и апостолски егзарх Киро Стојанов ќе го посетат Домот за стари лица „Мајка Тереза“, а во организација на ЈЗУ Геронтолошки завод „13 Ноември“ ќе биде одржано предавање за значењето на палиативната медицина.  На Геронтолошкиот завод ќе му биде доделен сребреник со ликот на Мајка Тереза.

Во катедралата „Свето Срце Исусосво“ во Скопје вечер од 18 часот ќе биде одржана света миса.