Продолжува опозициската „окупација“ на полскиот Парламент
Опозициските пратеници, кои ја обвинуваат полската владејачката партија Право и правда (ПИС) за поткопување на демократијата и Уставот, веќе четврти ден ја окупираат Пленарната сала на полскиот Парламент.
Полскиот претседател Анджеј Дуда денеска ќе се сретне со претседателот на Собраниието, Марек Кухчински и со лидерот на ПИС, Јарослав Качински, за да ја разгледаат ситуацијата.
Министерот за внатрешни работи Мариуш Блашчак пак, изјави дека протестите имаат за цел „да го блокираат државниот буџет и да предизвикаат политичка криза".
Од опозицијата наведуваат дека протестот е предизвикан од предлогот на Владата, да се ограничи пристапот на новинарите во Парламентот. Поради таа причина, викендов во Варшава и неколку други градови се одржаа и улични демонстрации.
Министерот за надворешнни работи Витолд Вашчиковски ги оцени протестите како „дело на разочарани опозициски политичари, кои не можат да прифатат дека не се повеќе на власт“, пренесува ТАСС.
- Некои западни медиуми ја пренесуваат состојбата на чуден начин. Опозицията веќе некое време го планира и подготвува блокирањето на работата на Парламентот. Ова што се случува не е спонтана реакција, изјави Вашчиковски.
Премиерот Беата Шидло пак, смета дека опозицијата се обидува да ја урне Владата така што ќе ги убеди Полјаците дека таа е слаба и не работи доволно добро.
Ново на Сител
-
Пленковиќ преговара со десницата мнозинство во хрватскиот парламент
-
„Епл“ го отстрани „Телеграм“ од својата интернет-продавница за Кина
-
Д-р Беќаровски заминува од Клиниката за токсикологија
-
ЈСП: Јавниот превоз утре по неделен возен ред, жичницата на Водно нема да работи
-
Зголемен водостојот на Охридското и на Преспанското Езеро
-
Интер по 20 пат шампион на Италија
-
Три години затвор за германски навивач поради фрлање петарда
-
ЦУК со апел за внимателност поради најавените метеоролошки промени