Продолжи главната расправа за „Дива населба“
Во скопскиот Кривичен суд денеска продолжи главната расправа по предметот поврзан со настаните од кумановската „Дива населба“, на која обвинетите Ф.Е., Х.А., С.У., Е.К., Г.С. и Л.К. наизменично се пожалиле на здравствени проблеми како резултат на транспортот од затворските установи, а нивните бранители побарале одложување на расправата, заради што Судечкиот совет за кратко ја прекинал расправата и веднаш повикал итна медицинска помош, бидејќи покрај здравствените проблеми обвинетите се пожалиле и на надворешни повреди, се наведува во соопштението од Основниот суд Скопје 1.
По преглед на доктор од итна медицинска помош, како што велат од Судот, до Судечкиот совет доставен е извештај според кој тројца од обвинетите кои се пожалиле на здравствени проблеми пред докторот кажале дека немаат потреба од никаква терапија и помош, додека тројца се пожалиле на болки во рбетот по што им била дадена терапија и е констатирано дека сите шест обвинети немаат никакви видливи надворешни или други повреди и во моментот се способни да го следат судењето.
По добивање на извештајот, судечкиот совет констатирал дека не постојат причини расправата да биде одложена, па затоа со одлука на Советот главната расправа продолжила со распит на заштитени сведоци, како што било планирано, поради што истата е затворена за јавноста.
- Како Суд, без да навлегуваме во причините за барањето на одбраната за одлагање на главната расправа, сметаме дека било какво одолговлекување на постапката не е во корист на ниту една од странките, се истакнува во соопштението од Кривичниот суд.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари