Продолжен рокот за конкурсот за најголем придонес за животната средина
Град Скопје го продолжи рокот до 1 јуни за пријавување на Јавниот конкурс за избор на најеколошка компанија, за најголем придонес во заштитата на животната средина, за најубаво уреден двор на куќа, зграда и на институција/стопански објект и за најубав состав и цртеж на тема екологија за учениците од основните и од средните училишта.
Одложувањето, како што инфомрираат, е поради неповолните временски услови во текот на овој период.
Според условите на конкурсот, Градот Скопје ќе избира најеколошка компанија со успешна примена на ISO 14001 и придонес кон зачувување на животната средина, правни и физички лица кои со својата активност и залагање сториле најмногу за зачувување и унапредување на животната средина во Скопје, за заштита на медиумите и областа на животната средина, за намалување на користењето необновливи видови енергија и слично, најубаво уреден двор за индивидуално домување, колективно домување и институција, фирма или стопански објект, најубав состав на тема екологија за ученици од основните и од средните училишта и најубав цртеж на тема екологија за ученици од основните и од средните училишта.
Пријавите на заинтересираните граѓани, невладини организации, јавни установи, претпријатија и други правни и физички лица се доставуваат по пошта, на адресата: Град Скопје - Сектор за заштита на животната средина и природата, булевар Илинден, број 82, или во архивата на Градот.
За првите две категории, предвидена е по една награда во износ од по 45.000 денари. За третата категорија, најубав двор, предвидени се три награди (за двор во индивидуално домување, колективно домување и институција, фирма или стопански објект), во износ од по 40.000 денари. За четвртата категорија се предвидени две награди: една за ученици во основните училишта и една за ученици во средните училишта, во износ од по 10.000 денари. За петтата категорија се предвидени две награди, една за ученици во основните училишта и една за ученици во средните училишта, во износ од по 10.000 денари.
Разгледувањето на пристигнатите пријави и одбирањето на кандидатите го врши соодветна комисија, која Градот Скопје ја формира од претставници на администрацијата и невладините организации.
Конкурсот за најголем придонес во заштитата на животната средина Градот Скопје традиционално го распишува во рамките на манифестацијата „Денови на пролетта - Денови на екологијата“.
Ново на Сител
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии