Привршуваат градежните активности во Културно социјалниот простор „Јадро“
Урбаната заедница на Општина Центар „Дане Крапчев“, од наскоро ќе почне да функционира и како Културно социјален простор, откако со претходна одлука на Советот, општината им го отстапи на користење на Асоцијацијата на независната културна сцена – „Јадро“. Со монтирањето на климатизерите и целосната реконструкцијата на тоалетот, ќе завршат и последните градежни активности во КСП „Јадро“.
Како што соопшти Општина Центар, градоначалникот Саша Богдановиќ, во својот кабинет остварил средба со директорката на Културно социјалниот простор „Јадро“, Јасмина Билаловиќ и Јане Чаловски, претседател на Асоцијацијата на независната културна сцена – „Јадро“.
– Една од главните функции на КСП „Јадро“ е да го нуди својот простор бесплатно за програмите на независната културна сцена, но и на поширокиот граѓански сектор. Просторот и установата ќе функционираат како отворена платформа за уметнички организации, асоцијации, неформални групи и поединци кои ќе можат да ги користат ресурсите на овој центар, пред се за да ги развиваат своите идеи од областа на културата, се наведува во соопштението од Општината.
Главниот мултимедијален простор во КСП има употреблива површина од 80 метри квадратни, магацински простор, влезен хол и тоалет.
Со ова, се додава во соопштението, Општина Центар и градоначалникот Саша Богдановиќ ја продолжуваат соработката со независната културна сцена во Скопје.
Покрај општината, како донатори и поддржувачи во Културно социјалниот простор „Јадро“ се јавуваат и компаниите Кнауф, Адинг, Компанија Велковски, Акустик-дизајн и Еуролинк осигурување.
Во просториите на Урбаната заедница „Дане Крапчев“ ќе продолжи со функционирање и локалниот пензиониерски клуб.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари