Македонија
27. October 2015 - 14:41

Привршува изградбата на секундарната фекална канализациска мрежа во Ченто

Министерот за животна средина и просторно планирање Нурхан Изаири, денеска ја посети локацијата каде што се одвиваат градежните работи на секундарната фекална канализациска мрежа на улиците 37 и 22 во населбата Методија Андонов - Ченто во Гази Баба.

Согласно договорот, должината на секундарната канализациона мрежа изнесува околу 500 метри, а градежните работи се во завршна фаза. 

Проектот е финансиран преку Програмата за инвестирање во животната средина на Министерството за животна средина и просторно планирање за 2015 година. За овој зафат Министерството финасираше околу 2 милиона денари.