Привршува гласањето на болните и затворениците во Струмичо и Радовишко
Во општините Струмица, Радовиш, Босилово, Василево, Конче и Ново Село денеска гласаат вкупно 575 болни и изнемоштени лица. Гласањето за претседателските и предвремените избори за градоначалник во општина Ново Село поминува мирно и според информациите од општинските изборни комисии, е при крај.
Најмногу болни и изнемоштени гласачи има пријавено во Ново Село-219, а најмалку во општина Конче само 10.
Гласањето тече и во Затворот во Струмица, каде има пријавено 85 затвореници со право на глас од 15 општини во земјава.
Во шесте општини од регинот има запишано 109.670 граѓани со право на глас, кои ќе гласаат на вкупно 192 избирачки места.
Во општина Ново Село за претседателските избори се запишани 11.364 гласачи, а за предвремените избори за градоначалник 11.301. Разликата во бројот на запишаните избирачи во избирачкиот список во Општинската изборна комисија ја објаснуваат со тоа што на изборите за градоначалник не гласаат граѓаните пријавени за гласање во дипломатско-конзуларните претставништва на Република Северна Македонија, кои имаат право да гласаат само за избор на претседател.
Ново на Сител
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи