Приведениот активист на ВМРО-ДПМНЕ: Полицајците ме вреѓаа и ме удираа
Активистот на опозициската ВМРО-ДПМНЕ Стефан Калошевски кој беше приведен на денешната протестна блокада кај ТЦ Мавровка тврди дека причината зошто бил приведен е зошто фотографирал и снимал со неговиот телефон.
Во изјава за Инфомакс вели дека полициски службеник од него побарал да не снима со телефонот.
- Јас му кажав дека сум слободен граѓанин дека можам да снимам каде сака, кого сакам. Тргна накај мене, ме фати за раката, се пуштија неколку полицајци по мене. Не знаев што се случува, бев испаничен. Еден од џандарите ме удри во слабина, ми ставија лисици и ме однесоа кон возилото за да ме приведат најверојатно во Полициска станица, бидејќи во тој момент не знаев каде ме носат. Иако прашував, тие не ми одговараа рече Калошевски.
Тврди дека полициските службеници го удриле по глава пред да го внесат во полициското возило. Обвинува дека службениците го малтретирале.
- Влегов во кола, иако прашував „Што се случува?“ „Зошто ова се случува?“. Ми се дереа, ме вреѓаа, ме удираа. Стигнавме пред Станица. Прашав зошто ме удираат, еден од полицајците ми рече „Заќути“ и ме удри повторно по лицето. Малку изгубив свест, не знаев каде се наоѓам. Ми се исуши устата, не можев ниту да зборувам, ниту да гледам, ми се вртеше, тврди активистот.
Вели дека му дале да го потпише записникот по што го вратиле на истото место каде што и бил уапсен.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија