Приведени три лица за вчерашното убиство во Чаир
Приведени се три лица осомничени за вчерашното убиство на момче во Чаир, информираше денеска министерот за внатрешни работи Оливер Спасовски.
- Работиме интензивно со групата на СВР Скопје и Обвинителството. Најдено е возилото „застава југо“ од кое е извршено убиството, како и 20 чаури и четири зрна, два мобилни телефона. Се разговара и со роднините, пријателите и луѓето кои биле во контакт со убиениот, истакна Спасовски при посетата на полицискиот центар за обука во Идризово.
Според него, се очекува во текот на истрагата да се дознаат мотивите на извршителот и да се обезбедат докази во однос на извршителот.
Министерот посочи дека овие настани не можат да се превенираат ниту со присуство на полицајците на улиците. Нивна работа, нагласи Спасовски, е да бидат експедитивни, а не селективни и да пристапуваат кон сите случаи ефикасно за нивното откривање.
Уште еднаш повтори дека полицијата работи на откривање и приведување на извршителите на убиствата кои се случија во изминатиот месец. Потсети дека се знае кој е убиецот на младиот Мартин Јанушев, но се работи на негово обезбедување, како и на откривање на убиствата во Струга и Чаир.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок