Приведени две лица по напад со боја и летоци врз канцелариите на грчки весник
Група од околу 25-30 лица попладнево се собрале пред канцелариите на грчкиот весник „Димократиа“ во Атина и со спреј на ѕидовите напишале навредливи слогани против новинарите и фрлиле летоци, по што полицијата привела две лица, објавија грчките медиуми.
Инцидентот го осудија како од грчката Влада, така и од опозициската СИРИЗА, јави дописничката на МИА од Атина.
Заменик-министер под премиерот и портпарол на грчката Влада, Стелиос Пецас изјави дека тие кои на мета го ставија весникот, „додадоа уште едена алка во синџирот напади врз демократијата“.
– Остро ги осудуваме ваквите фашистички напади кои се насочени кон слободата на изразување, вели Пецас.
Министерот за надворешни работи на Грција, Никос Дендиас на неговиот Твитер профил напиша дека нападот врз весникот е апсолутно за осудување.
Портпаролот на опозициската СИРИЗА, Алексис Харицис рече дека нападот ја навредува слободата на изразување.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања