Приведен косовец, пронајдени седум мигранти на магистралниот пат Куманово-Крива Паланка

Косовец во „голф 7“ превезувал мигранти од Индија, Пакистан, Непал и Бангладеш. Полицијата го уапсила, мигрантите се префрлени во транзитниот центар-Табановце и прифатниот центар за странци-Скопје, информираше денеска МВР.

- Вчера околу 20 часот на магистралниот пат Куманово-Крива Паланка, полициски службеници од Одделението за прекуграничен криминал, миграции, странци и реадмисија-Куманово и мобилната единица за компензаторни мерки го лишиле од слобода Ф.Ш.(26) од Косово, затоа што при извршен преглед на патничко возило „голф 7“ со косовски национални ознаки, кое тој го управувал, биле пронајдени седум лица-мигранти, од кои три од Индија, две од Пакистан и по едно од Непал и Бангладеш.

За случајот бил известен јавен обвинител, мигрантите биле пренесени во транзитниот центар-Табановце и прифатниот центар за странци-Скопје и по целосното документирање на случајот, против Ф.Ш. ќе следи соодветен поднесок.