Притвор за српски државјанин осомничен за обид за криумчарење мигранти
На магистралниот пат Гевгелија–Скопје, во непосредна близина на село Удово, вчера во 03,40 часот од страна на мешовит патролен тим, во возило „Опел Вектра“ со српска национална ознака биле пронајдени 15 мигранти од Авганистан.
Како што денеска соопшти МВР, возилото на даден знак со ротационо светло за запирање од страна на полицијата ја зголемило брзината и продолжило со движење во правец на Демир Капија. Од страна на полициските службеници, возилото е проследено и во близина на Демир Капија, во близина на бензинската пумпа на „Мак Петрол“, возачот го запрел возилото и се дал во бегство. При контрола на возилото било констатирано дека регистарските ознаки не одговараат на истото, а во внатрешноста на возилото се откриени 15 лица-мигранти од Авганистан.
Во непосредна близина на реката Вардар во близина на железничката пруга, стои во соопштението, било забележано лицето кое го управувало возилото, при што е лишено од слобода. Се работи за Н.С.(1995) од Р.Србија со српска лична карта. Против него е поднесена кривична пријава поради основано сомнение за сторено кривично дело „криумчарење мигранти“, со која е предаден на судија од чија страна му е одредена мерка притвор во траење од 30 дена.
Ново на Сител
-
Студентите не можат да ги искористат можностите во целост бидејќи Македонија не ги следи европските трендови
-
Македонија со најмал број студенти по новинарство во регионот, преку проекти се нуди решение за проблемот
-
Србија на нозе, втор ден се трага по 2 годишната Данка
-
Преглед на вестите од светот
-
Централна прослава за членството во НАТО
-
Тошковски: Сериозно сум загрижен за изборниот процес
-
Азески: Нема да дозволиме да не лажат политичарите
-
Мицкоски: Ќе намалуваме даноци но прецизно ќе ги наплаќаме