Притвор за малолетник кој продавал марихуана низ Скопје
СВР Скопје-Единица за недозволена трговија со дрога поднесе кривична пријава против 17-годишен малолетник од Скопје, поради постоење основи на сомнение дека во текот на месецов, неовластено набавил и подготвил за улична продажба поголема количина марихуана.
Малолетникот е осомничен дека сторил кривично дело „неовластено производство и пуштање во промет наркотични дроги, психотропни супстанци и прекурсори“ и судија на претходна постапка му одреди мерка притвор во траење од 30 дена.
Како што се наведува во соопштението од МВР, пријавениот од засега непознато лице неовластено набавил поголема количина марихуана, по што ја однел во неговиот дом, а потоа ја препакувал во полиетиленски кесички кои ги подготвувал за улична продажба и планирал да ја продава на уживатели.
По превземени мерки полицијата на 25 јануари го забележала малолетникот во непосредна близина на неговиот дом и при извршено легитимирање и личен преглед, кај него е пронајдена поголема количина марихуана, спакувана во едно најлонско кесе.
Лицето било приведено и со него е извршен разговор во присуство на родител, а со наредба од Судија на претходна постапка извршен е претрес во неговиот дом при што било пронајдено едно најлонско кесе во кое имало 12 помали полиетиленски паковки со марихуана.
По извршеното вештачење на кесата пронајдена при личниот преглед и 12-те полиетлински пакувања пронајдени при претресот во неговиот дом било утврдено дека пронајдениот и одземениот материјал била марихуана со вкупна маса од 440,34 грама.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка