Притвор за две лица кои лажно се претставувале како полицајци
Две млади лица од Велес и Неготино лажно се претставувале како полицајци со намера да ограбат мигранти, поради што добија по осум дена притвор, информира попладнево портпаролот на СВР Велес, Анита Стојковска.
- На ден 07.06.2016 година во околу 23:0 часот на локалниот пат село Дуброво-Неготино три непознати лица кои се претставиле како полициски службеници, сопреле патнички автомобил марка „мерцедес“ во кој се превезувале пет лица мигранти од Ирак и побарале од мигрантите пари, изјави Стојковска.
Кога мигрантите се посомневале дека лицата лажно се претставуваат како полицајци, пружиле отпор и успеале со возилото на непознатите лица да се одалечат од местото. Кратко потоа мигрантите биле сопрени од полициски службеници од Полициска станица-Неготино.
- По превземени оперативно тактички мерки во 05:00 часот лишени биле од слобода две лица на возраст од 22 и 19 години од Велес и Неготино, поради основи на сомнение за сторено кривично дело „разбојништво во обид“ и „лажно претставување“, рече Стојковска.
Осомничените со кривична пријава биле изведени пред обвинител и од страна на надлежен судија изречена им е мерка притвор во траење од осум дена.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка