Пристапна патека ќе ги спојува улиците „Балканска“ и „Братство и Единство“ во Берово
Во Берово во тек се подготовките за изградба на колско-пешачка патека која ќе ги поврзува улиците „Балканска“ и „Братство и Единство“. Средствата за изградба на оваа улица, како што информира градоначалникот Звонко Пекевски, се обезбедени од Буџетот на Република Македонија за 2018 година.
- Преку имплементација на националната стратегија за подобрување на состојбата на Ромите во Република Македонија, доделени се средства за реализација на овој зафат, кој е доста значеан за граѓаните од ромска националност кои живеат во овој дел од градот. Оваа активност се реализира по остварените средби со министерот без ресор Аксел Ахмедовски кој задолжен за имплементација на Стратегијата за подобрување на состојбата на Ромите во Република Македонија. Преку оваа стратегија во голема мера се влијае на подобрување на инфраструктурните услови во општината, а со тоа и квалитетот на живот на граѓаните од ромска националност како и на сите жители во Општината, рече Пекевски.
Како што информираат од одделението за урбанизам и градежништво, изградбата на колско пешачката патека ќе се реализира по асфалтирањето на улицата „Димитрие Туцовиќ“ чија изградба е во завршна фаза.
Од државниот буџет за реализација на оваа активност се обезбедени 958 илјади денари.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка