Балкан
15. April 2016 - 10:22

Припадници на Фронтот ал Нусра уапсени во Турција

Турски полицајци од силите за борба против тероризмот во Адана, Јужна Турција, привеле 11 осомничени припадници на Ал Нусра во истовремени акции во градот вчера, објави „Хуриет дејли њуз“.

Полицијата била во потрага по вкупно 13 лица.

Се смета дека осомничените биле во контакт со борци на Ал Нусра во Сирија и во други турски градови. Според коминике на полицијата во Адана, тие веројатно биле вмешани во врбување на други борци, кои би се бореле во Сирија.

Постојат сомневања дека приведените наоѓале средства за терористичката група и организирале предавања и состаноци за дејностите на Ал Нусра.

Фронтот ал Нусра, што дејствува главно во Сирија, се смета за терористичка организација од Турција од 2014 година.