Принс во својот дом имал многу опијати
Во куќата на починатиот музичар Принс во Минесота се пронајдени многу силни опијати и лекови, стои во судските документи од истрагата за смртта на познатиот пејач.
Според американските таблоиди, сите лекови биле препишани на име на неговиот пријател телохранител.
Медицинските експерти по обдукцијата заклучија дека Принс починал од случајно предозирање и никој не беше кривично гонет поради неговата смрт.
Според извештајот на вештаците, Принс самоиницијативно земал фентанил, опијат неколку пати посилен од хероинот. Неговото безживотно тело беше пронајдено во лифт на неговиот имот.
Судските документи беа чувани во тајност се досега, затоа што обвинителите стравуваа дека потенцијалните сведоци би можеле да избегаат или доказите да ги уништат.
Некои од апчињата кои се пронајдени во домот на Принс биле опијати комбинирани со аналгетик ацетаминофен - хидрокодон. Тој аналгетик се користи при ублажување на болката, ревматичен артритис и кашлање.
Судските документи откриваат дека голем број наркотици се пронајдени во разни садови, вклчувајќи и шишенца за витамини.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ