Примирје само на хартија, продолжуваат борбите во Нагорно-Карабах
Министерството за одбрана на Азербејџан соопшти дека борбите околу Нагорно-Карабах на целата линија на фронтот продолжиле и денес.
Според соопштението на Министерството, борбите се воделе со различен интензитет вчера и во текот на ноќта во правец Агдера-Агдам, Физули-Џабраил и Зангилан-Кубадли.
„Непријателот со лесно оружје, минофрлачи и топови ги гранатираше одбранбените позиции на азербејџанската армија“, се наведува во соопштението, јавува TАСС. Се додава дека азербејџанските сили ја принудиле ерменската страна да се повлече од важните точки и бројните позиции во областа Кубадли, со големи загуби на луѓе и оружје.
Ерменија и Азербејџан го постигнаа вториот договор за хуманитарен прекин на огнот во саботата, кој стапи на сила на полноќ по локално време, но двете земји веднаш започнаа меѓусебно да се обвинуваат за кршење на примирјето.
Обновените судири околу Нагорно-Карабах избувнаа на 27 септември откако азербејџанските и ерменските сили се судрија на границата меѓу двете земји во текот на летото.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина