Прилепското обвинителство отвора предмет за оштетената електрична табла до модуларната болница
Основното обвинителство во Прилеп почна со предистражни дејствија за случајот со физички оштетената електрична табла пред прилепската модуларна болница.
Како што информира основниот јавен обвинител Маријана Илиеска, обвинителството реагира по допрен глас, по пишувањето за случајот во медиумите. Ќе издаде наредба и до полицијата.
– Обвинителството ќе отвори предмет. Почнавме предистражни дејствија за да се открие дали има елементи на кривично дело што се гони по службена должност. Ќе се пушти и наредба до полицијата во насока на расветлување на случајот. Се надевам дека и во текот на денот ќе стигне материјал што ќе го испрати полицијата, вели Илиеска.
Според Сања Стаматова, портпарол на СВБР Битола полицијата работи на расфетлувањето на случајот, а до овој момент нема нови детали.
Сѐ уште не се знае кога, кој и како физички ја оштететил таблата што ја напојува со струја модуларната болница. Болничкото обезбедување во саботата попладнето, по силниот ветар, забележало дека вратничката со хебла е отворана. Полицијата ги зела и снимките од безбедносните камери.
Според информациите од прилепската општа болница со проширена надлежност, модуларната болница функционира без проблеми. Сега се хоспитализирани 14 ковид-пациенти, тројца се пуштени на домашно лекување. Дванаесет се на кислородна поддршка, а двајца се во потешка здравствена состојба.
Болницата ги поминала и вонредните инспекциски контроли и не се најдени проблеми со противпожарните апарати, со уредите и со инсталацијата.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите