Македонија
19. December 2016 - 8:36

Прилеп го слави Свети Никола, патронот на градот

Прилеп по 11-пат го прославува светецот заштитник, патрон на градот, Свети Никола.

Изутринава во црквата „Свето Благовештение“ ќе се одржи празнична литургија. Потоа со литии сите ќе се упатат во центарот на градот кај параклисот каде од 11 часот е централното чествување.
 
На булеварот „Гоце Делчев“, традиционално, ќе биде поставена посната трпеза за сите прилепчани и посетители на празникот. Годинашниот домаќин, конфекцијата „Васидора“ ги направи сите подготовки кои вклучуваа приготвување на 65.000 посни сарми. 
 
Според Јоргос Василопулос, сопственик на „Васидора“, пет здруженија на жени ги подготвија сармите за кои беа набавени 1.200 килограми зелка, 80 килограми ориз, 40 килограми црвен пипер, 300 литри масло за готвење. А за посната трпеза за сите гости која ќе биде во центарот на Прилеп се набавени 200 килограми грав, 350 килограми риби, 100 килограми маслинки, 100 килограми овошје, 2000 литри бело и црвено вино, 100 литри ракија.
 
По повод  празникот „Свети Никола“ во домот на културата „Марко Цепенков“ ќе биде отворена традиционалната изложба на икони посветени на Свети Никола.