Прилеп го одбележа 8 Септември, Денот на независноста
По повод 8 Септември, Денот на независноста на нашава држава, делегација на Сојузот на борците, на локалната самоуорава предводена од градоначалникот Илија Јованоски, политички партии и здруженија на граѓани, положија свежи цвеќиња и се поклонија пред споменикот на првиот претседател на Президиумот на АСНОМ, Методија Андонов – Ченто и на Могилата на непобедените каде се моштите на околу 650 загинати борци од НОБ.
Поздравувајќи ги присутните, Јованоски истакна дека 8 Септември е симбол на борбата на многу генерации за изградба напросперитетна, економски силна и стабилна македонска држава.
– Денес им оддаваме почит на сите борци и херои кои своите животи ги дадоа за независна македонска држава. Ние како граѓани, пред 28 години на овој ист ден, на референдум гласавме за независна, самостојна македонска држава која и понатаму треба да ја чуваме и да ја негуваме. Треба да ја градиме денешницата за да овозможиме подобра иднина за младите генерации. Тоа е наша должност, рече Јованоски.
На распишаниот референдум на 8 Септември 1991 година, од 1.495.626 граѓани со право на глас, на гласање излегле 1.132.981 граѓани или 71,85 отсто, а од вкупниот број граѓани кои гласале на референдумот позитивно се изјасниле 1.079.308 односно 95,09 отсто.
Ново на Сител
-
ОБСЕ/ОДИХР ги објави првичните резултати за првиот круг претседателски избори
-
Хроника на изборни нерегуларности за првиот круг на претседателските избори
-
Анализа на првиот круг од претседателските избори
-
Убедлива победа на Силјановска во првиот круг, Пендаровски најавува продолжување на европската агенда
-
Груби со куфер од пред Општина Чаир побара да си одат четворицата претседатели од албанската опозиција
-
Таткото на Вања Ѓорчевска оди во куќен притвор
-
Таткото на Вања повторно бара слобода од Врховниот суд
-
Тошковски: Мирен изборен ден