Прилеп бара воздушна поддршка за справување со шумските пожари
Прилепскиот кризен штаб бара воздушна поддршка во текот на утрешниот ден за да се справи со двата големи шумски пожари во околината на градот. Барањето, потврдува прилепскиот градоначалник Илија Јованоски ќе биде официјализирано на состанокот на кризниот штаб од 18 часот.
– Бараме и во текот на утрешниот ден да ја имаме помошта од припадниците на Армијата и активно да се вклучат и јавните комунални претпријатија со расположливите ресурси. Сето ќе го официјализираме на состанокот на Штабот, ни рече Јованоски.
Пожарите, едниот на потегот Ракле-Никодин и другиот, кој избувна ноќеска, во Смолани, каде во опасност е и борова шума, се претежно во непристапен терен. Превентивно, попладнето се евакуирани двајца неподвижни жители од селото Ракле и полицијата ги префрли во Прилеп на безбедно. Цел ден со огнените стихии се справуваа 10-ина пожарникари, вработени во шумското претпријатие и 30 припадници на Армијата.
Огнените јазици се запрени кај Топлица во близина на магистралниот пат Градско-Прилеп.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка