Презентација на опрема од воената вежба „Dragoon Guardian 17“
Граѓаните на Струга и Струмица денеска ќе имаат можност да проследат презентација на возила и опрема на Армијата на Република Македонија и на Армијата на САД во Европа, која е дел од заедничката воена вежба „Dragoon Guardian 17“.
На презентацијата во Струга ќе присуствуваат заменик-министерот за одбрана Беким Максути и командантот на полкот за специјални операции бригаден генерал Орце Јордев, а во Струмица заменикот на командантот на здружената оперативна команда, бригаден генерал Павле Арсоски.
Покрај презентацијата на дел од воените возила и опрема на Армијата на САД во Европа и АРМ, граѓаните ќе имаат можност да проследат фитнес сесија, натпревар за најмладите - патека со пречки, а во Струга ќе биде одржан и пријателски фудбалски натпревар меѓу екипи на Армијата на САД, АРМ и екипа од градот.
Присутните ќе имаат можност преку директна комуникација со припадниците на АРМ и армијата на САД поблиску да се запознаат со опремата и возилата и да се фотографираат.
Заедничката вежба на Армијата на Република Македонија и на Армијата на САД во Европа „Dragoon Guardian 17“, која се одржува до 10 август има за цел зајакнување на стандардните оперативни процедури на единиците од составот на АРМ, подобрување на интероперабилноста и унапредување на заемното разбирање и доверба и зајакнување на меѓусебната соработка.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка