Живот
25. January 2017 - 10:46

Преземал идентитет на починат стоматолог и добил казна од еден милион долари

Стоматолог од Њу Џерси доби казна од 1,1 милион долари, затоа што го преземал идентитетот на починат колега бидејќи ја загубил својата дозвола и од државното здравствено осигурување наплатувал трошоци за услугите кои ги давал.

Педесет и осум годишниот стоматолог Рубен Бруким е исклучен од сите федерални здравствени програми во траење од 50 години. Тоа е едно од најдолгите исклучувања кое го нареди американското Министерство за здравство.

Федералните власти соопштија дека Бруким почнал да поднесува лажни сметки до владината социјална програма за здравствено осигурување на име на починатиот колега Џон Киркленд, бидејќи неговата дозвола му е одземена во 2004 година.

Тој е обвинет за фалсификување на извештаи, а во 2014 година бил девет месеци во затвор.