-->
-->
Претставување на македонската современа поезија и проза на Саемот во Варшава
-->
На Меѓународниот саем на книгата во Варшава, денеска ќе биде претставена современата македонска поезија и проза.
Поздравно обраќање до присутните ќе има амбасадорката на Република Македонија во Варшава Горица Атанасова-Ѓоревска, а осврт за современата македонска книжевност ќе има проф. д-р Лила Мороз-Грзелак од Полската академија на науки.
На книжевната средба ќе настапат афирмираните македонски автори Блаже Миневски, Јовица Тасевски-Етернијан и Владимир Илиевски, кои ќе ги читаат своите текстови на македонски јазик, а нивните дела преведени на полски јазик ќе ги интерпретира Марко Шапкаров Орловски, преведувач и писател.
Модератор на книжевната средба ќе биде Пјотр Добролецки, издавач, новинар, главен уредник на списанието „Книги“ (Książki) и на списанието за литература „Остров“ (Wyspa), а на настанот учествуваат и Барбара Крамар, преведувачка и експерт за односи со јавноста и со медиумите.
Овој централен настан на македонското претставување на Меѓународниот саем на книгата во Варшава е во организација на Националната и универзитетска библиотека „Св. Климент Охридски“ од Скопје и Амбасадата на Република Македонија во Варшава.
-->
-->
-->
Ново на Сител
-
Пленковиќ преговара со десницата мнозинство во хрватскиот парламент
-
„Епл“ го отстрани „Телеграм“ од својата интернет-продавница за Кина
-
Д-р Беќаровски заминува од Клиниката за токсикологија
-
ЈСП: Јавниот превоз утре по неделен возен ред, жичницата на Водно нема да работи
-
Зголемен водостојот на Охридското и на Преспанското Езеро
-
Интер по 20 пат шампион на Италија
-
Три години затвор за германски навивач поради фрлање петарда
-
ЦУК со апел за внимателност поради најавените метеоролошки промени