Претставниците на Г20 повикаа на поголема соработка во решавање на конфликтите

Претставниците на водечките светски сили, на средбата на Г20 во Бон, повикаа на поголема соработка во решавање на актуелните конфликти и спречување на идните кризи.

Германскиот министер за надворешни работи Зигмар Габриел по состанокот изјави дека ниту една одделна земја не може сама да ги решава прашањата како што се климатските промени, тероризмот и масовните миграции, преносоа американските медиуми.

-Тоа може да се  стори само преку соработка и отвореност, а не со повлекување во сопствените национални крлушки, рече тој пред новинарите во Бон.

Габриел додаде дека сите делегации го поддржале повикот на генералниот секретар на ОН, Антонио Гутереш,  за поддршка на мултилатералната дипломатија.