Претставници на Форумот за демократска Македонија се сретнаа со Шекеринска во Вашингтон
- Претставници на Форумот за демократска Македонија, Тодор Арсовски, Анета Георгиевска - Шајн, Харис Фезлиу, Блаже Димов и Кристијан Фидановски во Вашингтон се сретнаа со вицепремиерката и министерката за одбрана Радмила Шекеринска.
Членовите на Форумот ги поздравија чекорите на Владата во преговорите со Грција и напорите за интеграција на Република Македонија во НАТО и ЕУ, се наведува во соопштението на Форумот.
Претставниците на Форумот го охрабрија ставот на Владата за потребата од вклучување на опозицијата во сите процеси, што неодамна резултираше и во консензуално донесување на неколку закони. Од Форумот беше нагласена потребата за забрзување на реформските процеси и административниот капацитет на државните тела.
Се разговараше и за начините на кои стручни лица од дијаспората можат да се вклучат на доброволна основа во советодавни услуги како придонес во овие процеси.
Се дискутираше и за јакнењето на меѓуетничките односи, посебно кај помладото население, преку интензивирање на работата на невладиниот сектор и во рамките на образованиот систем. Беше истакнато и залагањето на Форумот за демократска Македонија да биде вистински претставник граѓаните на Македонија кои живеат и работат надвор од земјата во сета нивна разноличност.
Ново на Сител
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово
-
Лични документи можат да се подигнат и во среда
-
Демири: Владата ги презеде трошоците за лекувањето на Леонид Индов