Претставници на ЕУ ќе допатуваат во Грција за да помогнат во справување со бегалците
Европската унија ќе испрати свои претставници на источните острови во Егејското Море и Пиреја за да им помогнат на грчките власти да се справат со огромниот прилив на бегалци и мигранти.
Овој договор бил направен за време на минатонеделниот состанок меѓу претставниците на Европската канцеларија за поддршка на азил (ЕКПА) и грчката влада во Атина.
Весникот „Катимерини“ дознава дека персонал на ЕКПА ќе биде испратен на грчките острови каде изминативе месеци пристигнуваат илјадници бегалци, главно од Сирија. Тие ќе помогнат за да се информираат бегалците за тоа како можат да аплицираат за азил.
Во Пиреја ќе бидат стационирани 15 европски претставници кои ќе им помогнат на грчките власти да преселат 14.000 бегалци од Грција во другите делови на ЕУ. Извршниот директор на ЕКПА Роберт Висер за „Катимерини“ изјави дека Грција, исто така, морала да стори повеќе за да се осигура дека бегалците се уредно регистрирани.
- Земјите-членки мора да го знаат идентитетот на секој кој влегува на нивна територија. Грција не е исклучок, истакна тој.
Според него, грчкиот систем за регистрирање и справување со бегалците и илегалните мигранти е под огромен притисок, и затоа Европа се обидува да се најдат начини за соработка со цел ефикасно да им се помогне на грчките власти.
Ново на Сител
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина