Претставата „Неверство“ на сцената на МОБ
Драмската претстава „Неверство“, во режија на Влатко Павлески и во продукција на „Прима Данца“, вечер ќе биде изведена на малата сцена на Македонската опера и балет.
Во претставата играат Предраг Павловски, Катарина Илиевска Силјановска, Самоил Стојановски, Илија Карадакоски, Симона Веселиновска и Слободан Трајковски.
Преку изведбата на актерите и танчерите се пренесени ситуациите и емоциите кои ги плете магичниот триаголник во кој се наоѓаат и од кој никој нема корист. Пораката е дека среќата била составен дел од нивните животи во моментите само кога си биле верни на себе.
Драмата е реализирана во девет сцени, кои речиси апсурдно се презентирани во обратен временски редослед. Во претставата се присутни и танцови настапи на професионални танчери од „Прима Данца“. Режисерот Влатко Павлески со умешност вметнува танц кореографии на пасо добле, англиски валцер, танго и румба, како израз на скриените емотивни состојби и потсвеста на ликовите.
„Неверство“ претставува практичен дел од магистерскиот труд на Павлески на модулот „Театарска режија“ на Факултетот за драмски уметности – Скопје, под менторство на професорот Слободан Унковски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка