Претседателот Пендаровски се сретна со европратеникот Манфред Вебер
Претседателот Стево Пендаровски денеска го прими Манфред Вебер, претседавач со парламентарната група на Европската народна партија во Европскиот парламент, кој заедно со делегација европратеници престојува во посета на државава.
На средбата, како што соопшти Кабинетот на Пендаровски, беа разменети мислења за европските аспирации на Македонија, при што претседателот нагласи дека полноправното членство во Европската унија останува стратешка цел на земјава, за што, како што рече, постои широк национален консензус и висока поддршка кај граѓаните.
На средбата претседателот Пендаровски истакна дека во очекување на одлука за почеток на пристапните преговори за членство, државата останува посветена на спроведувањето на реформската агенда.
-Пендаровски се заблагодари за поддршката од парламентарната група на Европската народна партија за интеграцијата на Македонија во Европската унија, реафирмирана со последната усвоена резолуција во Европскиот парламент за почеток на пристапните преговори со Македонија и со Албанија, како и за ставот на европратеникот Вебер дека Западниот Балкан е дел од Европа и има историска и стратешка важност, стои во соопштението.
Ново на Сител
-
Велигденска честитка на на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел