Претседателот на Европскиот парламент се заложи за формирање европски ФБИ за борба против тероризмот
Претседателот на Европскиот парламент Антонио Тајани, во интервју за шпанското радио „Онда серо“ изјави дека во Европа треба да се формира агенција како ФБИ во САД за борба против терористичката организација „Исламска држава“, јави ТАСС.
Според него, ИД се обидува да изврши напади низ целиот континент.
- Ние мораме да работиме заедно, бидејќи соработката понекогаш е недоволна, изјави Тајани.
Според него, многу повеќе може да се направи во врска со интеракцијата помеѓу националните обвинителства, полицијата и разузнавачките служби, и треба да постои ФБИ во Европа за борба против ИД.
Претседателот на Европскиот парламент го истакна фактот дека во Европа има малку имами кои зборуваат шпански, италијански или германски, а „не само арапски". Според него, имамот Абделбаки ал Сати, осомничениот организатор на терористичкиот напад во Барселона, „е терорист, кој не зборувал за религијата“.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите