Претседателот Иванов во посета на јужната граница
Претседателот Ѓорге Иванов, кој е и врховен командант на вооружените сили, денеска ја посети јужната граница при што од припадниците на АРМ на караулата Богородица беше информиран дека во изминатите три месеци е спречен обид на околу 3.300 илегални преминувања кои во најголем дел доаѓаат од Блискиот Исток.
Иванов го посети и привремениот транзитен центар во Гевгелија, каде беше информиран за работата на хуманитарните организации, а разговараше и со мигранти кои престојуваат во транзитниот центар и се информираше за условите и третманот кои тие го добиваат за време на нивниот престој во центарот. Претседателот Иванов се сретна и со полициските припадници на странски држави, кои како поддршка на македонските безбедносни сили се распоредени во контролирањето на теренот на јужната граница.
Во рамки на посетата на јужната граница, македонскиот претседател ги посети и објектот за сместување на припадниците на АРМ во Богданци и караулата Езеро во Дојран. Притоа беше информиран за моменталните состојби, предизвиците и начинот на ангажирање на припадниците, во однос на справување со обидите за илегални преминувања на тој дел од нашата јужна граница, како и за условите за сместување и работа на припадниците на АРМ.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари