Претседателот Иванов ги прими акредитивите од новоименуваниот амбасадор на Јордан
Претседателот Ѓорге Иванов денеска ги прими акредитивните писма на новоименуваниот амбасадор на Хашемитското Кралство Јордан за Република Македонија, со седиште во Анкара, Исмаил Иса Исмаил Рифаие.
Иванов, какошто соопшти неговиот кабинет, на средбата упатил честитки по повод неговото именување и изразил интерес и подготвеност за натамошно продлабочување на билатералните односи меѓу двете земји.
-Убеден сум дека Вие, со Вашиот професионален ангажман, ќе придонесете за натамошно унапредување и збогатување на соработката меѓу нашите пријателски земји и народи во сите области од заеднички интерес, за што постои голем потенцијал. Бидете уверени дека во вршењето на Вашите дипломатски должности ќе ја уживате нашата целосна поддршка и помош, порачал македонскиот претседател на предавањето на акредитивите.
На средбата со амбасадорот Исмаил Иса Исмаил Рифаие, претседателот Иванов изразил задоволство од интензивирањето на соработката меѓу двете земји во повеќе сфери, особено во областа на разузнавањето и ја поздрави конструктивната улога на Јордан во стабилизацијата на состојбата во регионот на Блискиот Исток.
Двајцата соговорници размениле мислења за актуелните случувања во двете земји и за настаните во регионот
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари