Претседателите на Ерменија и Азербејџан договорија примирје
Претседателите на Ерменија и Азербејџан, Серж Саргсјан и Илхам Алиев разговараа синоќа во Виена околу конфликтот во регионот Нагорно-Карабах.
На состанокот присуствувале и шефовите на дипломатиите на Русија, Сергеј Лавров, на САД Џон Кери, како и државниот секретар за европски прашања на Франција, Харлем Дезир.
На средбата е потенциран ставот дека конфликтот не може да се реши по воен пат, се наведува во соопштението на ОБСЕ, додавајќи дека Минск групата инсистира на почитување на договорот за примирје.
Ерменскиот и азербејџанскиот претседател изразија поддршка за примирјето и мирно решавање на конфликтот.
За да се намали ризикот за натамошно насилство тие договорија итен прекин на огнот. Претседателите договориле и проширување на постоечката канцеларија на претставникот на претседавачот на ОБСЕ, а исто така и размена на податоци за исчезнатите лица под покровителство на Меѓународниот комитет на Црвениот крст.
Двајцата претседатели прифатија и продолжување на преговорите следниот месец, на место кое ќе биде дополнително договорено, со цел да се продолжат разговорите за компромисно решение.
Шефот на германската дипломатија и претседавач со ОБСЕ, Франк-Валтер Штајнмаер истакна дека колку подолго трае конфликтот доаѓа до се поголемо вооружување, а со тоа и до поголем ризик од нова ескалација, па и војна меѓу двете земји.
Саргасјан и Алиев последен пат се сретнаа во август 2014 година во Сочи, а Русија како регионална сила на Кавказот повторно покрена иницијатива да се вртатат на преговарачка маса двајцата претседатели, овој пат во Виена.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка