Преседан во САД: Обама и Буш индиректно го критикуваа Трамп
Поранешните американски претседатели Барак Обама и Џорџ Буш изразија загриженост поради „моменталната политичка криза во САД“, јави Би-Би-Си.
Нивните коментари, медиумите ги оценуваат како критика на лидерството на актуелниот претседател Доналд Трамп.
Обама апелираше на Американците да ја отфрлат политиката на поделба и страв, додека Буш го критикуваше насилството и предрасудите во јавниот живот.
Поранешните претседатели на САД зборуваа на собири со граѓани, во пресрет на изборите за гувернер во сојузните држави Њу Џерси и Вирџинија, но ниту Обама ни Буш не го спомнаа името на Доналд Трамп.
Би-Би-Си коментира дека ретко се случувало поранешен претседател да критикува негов наследник, но дека „нормите на однесување се смениле во актуелното политичко опкружување“.
- Не можеме да ја имаме истата стара политика на страв, која ја гледавме во изминатите векови. Мислевме дека ја надминавме политиката која денес ја гледаме. Па дајте, 21 век е, а не 19, изјави Обама на собирот во Њу Џерси.
- Изгледа дека нашата политика е поранлива на теориите на завери и надворешни фабрикации. Постојат знаци дека интензитетот на поддршка на демократијата - опадна, посебно меѓу младите, истакна Буш на собирот во Њујорк.
Ново на Сител
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти