Премиерот Заев се сретна со иранскиот амбасадор Карими
Претседателот на Владата на Република Македонија Зоран Заев, денеска се сретна со амбасадорот на Исламска Република Иран Хоссеин Карими.
Амбасадорот Карими во име на претседателот на Иран Хасан Рохани, пренесе честитки до премиерот Заев за стапувањето на должност претседател на Владата на Република Македонија, за мирната разврска на политичката криза и за новата реформска Влада што ја доби Република Македонија.
Како што информираат од кабинетот на премиерот, на средбата било оценето дека по изборот на новата Влада постои поттик на нови програмски решенија, со позитивни идеи и позитивна енергија, што можат да ја придвижат земјата напред, во интерес на граѓаните на Македонија и коишто отвораат можности за продлабочување на соработката со Иран.
- Владата е определена низ инклузивни политики да овозможи економска стабилизација на државата и реализација на стратешките цели на земјата, членство во ЕУ и НАТО. Исто така, Владата е ориентирана кон добрососедски односи во регионот и развој на мегународната соработка, со цел отворање можности за соработка во области значајни за граѓаните, рече Заев.
На средбата се потенцирани како вредност политиките на новата Влада за едно општество на сите граѓани, кои ги зближија граѓаните во решавањето на нивните проблеми и потреби и кои се порака во светски рамки дека различностите по која било основа, можат да бидат предност за една земја, доколку за тоа постои искрена политичка волја.
На состанокот, исто така, било разговарано и за создавање можности за поефикасна економска соработка, како и соработка на полето на туризмот.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.