-->
-->
Премиерот Никола Груевски ги додели признанијата Амбасадори на спортот
-->
Премиерот Никола Груевски на Андон Дончевски, Јошко Миленковски, Кире Лазаров, и Агим Ибраими, им ги додели плакетите Амбасадори на спортот на Република Македонија.
За нивниот придонес во спортот, а преку него и афирмацијата на Република Македонија, Претседателот на Владата на Република Македонија, Никола Груевски, денеска на Андон Дончевски, Јошко Миленковски, Кире Лазаров, и Агим Ибраими, им ги додели плакети на Амбасадори на спортот.
Согласно Законот за спорт, титулата амбасадор на споротот им се врачува на истакнатите македонски спортисти и тренери за промоција и афирмација на Република Македонија во земјите каде што ја остваруваат својата спортска кариера или, пак, останатата спортска активност.
Легендата на македонскиот фудбал и првиот селектор на Македонија, Андон Дончевски не го криеше задоволството за добиеното признание. „Ова е најпрестижното признание кое сум го добил во животот. Со него го вреднуваат трудот кој сум го дал во Вардар и репрезентацијата на Македонија’’, изјави Дончевски.
На ваквото мислење на Дончевски се надоврза и поранешниот селектор на одбојкарската репрезентација на Македонија, Јошко Миленковски, кој подолг период работи во Република Турција. „Голема е привилегијата е да се биде меѓу овие врвни спортисти, легенди на македонскиот спорт. Веќе пет години го презентирам нашиот спорт, одбојката, во Турција. Мислам дека тоа го правам успешно, а се надевам дека ќе ги така ќе продолжам и во иднина. Задоволство е да се добие вакво признание, како валоризација за се она што го работам години наназад’’, изјави Миленковски.
Капитенот на ракометната репрезентација Кирил Лазаров дополни дека ова признание е дополнителен мотив и во иднина преку своите настапи ширум Европа и светот, ќе се труди во најдобро светло да ја претстави својата татковина. „Македонија е спортска нација. Македонскиот народ единствено може да го сплоти македонскиот спорт, а ние како избрани, ќе пробаме во уште поголеми размери да ја презентираме нашата земја’’, изјави Лазаров.
Фудбалерот на словенечки Марибор, репрезентативецот на Македонија, Агим Ибраими. „Чест ми е што го добив ова признание и се надевам и верувам дека и во иднина ќе дадам се од себе да ја презентирам Македонија во најдобро светло’’.
-->
-->
-->
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април