Премиера на претставата „Првин ќе ме земеш после ќе ме…“ во Театар Комедија
Премиерата на претстaвата „Првин ќе ме земеш после ќе ме…“ во продукција на „Театар КРИК-Скопје“ вечер ќе биде изведена во Театар Комедија.
Дејствието на претставата се случува овде и сега, во еден реален временски интервал, за време на едновечерна средба „на слепо“, помеѓу лекторката Кети-Мјау Соколовска и ветеринарот Ѓорѓи Мучев. ...Тој, маж со неуспешен брак зад себеси, решен - никогаш повеќе да не се жени и на оваа средба гледа само како на едновечерна авантура... ...Таа – девојка со веќе донесена одлука - да се мажи на оваа средба, уште истата вечер. Ваквите контра очекувања, оваа средба ја прават исполнета со многу конфликтни ситуации кои во одредени моменти водат до точка на безизлезност.
По пат на гласање публиката ќе одлучува по која од понудените варијанти ќе се гради претставата, така што секоја нова реприза ќе биде по многу сцени поразлична од претходната изведба.
Режијата е на Ѓорѓи Ризески, сценографијата на Роберт Ристов, а костимографијата на Елена Лука. Играат Роберт Ристов, Мирјана Ристов и Дарко Вељиќ. Продуценти на претставата се Роберт и Мирјана Ристов.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација