Премиера на куклената претстава „Кучето со боја на небо“ на режисерот Дарко Ковачовски
Во Центарот за култура „Антон Панов“ во Струмица викендов ќе биде премиерно прикажана куклената претстава „Кучето со боја на небо“ на режисерот и драматург Дарко Ковачовски.
На денешната прес конференција Ковачовски и актерите ги изнесоа деталите за приказната инспирирана од стар текст на Ѓула Урбан насловена како „Синиот Петар“, но овојпат со акцент на кучето.
- Куклениот театар е апотеоза, затоа што пред актерот стои кукла. Тоа не значи дека нема актер, туку напротив има актер и тоа многу квалитетен. Тој мора да мисли брзо, да работи брзо, да реагира брзо и брзо да ја поминува рампата кон гледачот. Подготвивме динамична брза претстава, на граница со фантастичното. Во неа во соживот живеат полицаецот, морнарот и госпоѓа Кети како реални ликови и кучето и мачето од друга страна, објасни режисерот Ковачовски.
Според актерот Стојан Велков Трн, работата на куклени детски претстави е вистински предизвик.
- Ова е моја втора куклена претстава. И првата беше исто на режисерот Ковачевски, тоа беше „Јованче и Марика“. И тоа беше друг систем на кукли со марионети, а овој се вика бумраку. Актерската и човечката љубопитност што јас како човек ја имам ме подига на друго ниво. Освен драмското искуство, љубопитен сум да видам како е да се работи и со кукли, вели актерот Стојан Велков Трн.
И актерот Коста Ангов, за кого ова е прво куклено искуство, вели дека работата на претставата му значи за актерксиот развој.
- Сакам да се збалагодарам на режисерот што ми ја укажа довербата и не направи дел од оваа мала, но компактна екипа со кои поминавме два прекрасни месеци. Тргнавме од нула, зашто првпат работам со кукли на цела претстава. Тргнавме од учење чекори, гест, па на крај до фантастичен спој да ги оживееме овие кукли на сцената. За мене беше преголемо искуство, открив многу работи за себе и како човек и како актер, рече Ангов.
Костимограф, сценограф и дизајнот на кукли е дело на Надја Василева.
Претставата ќе има две премиери, едната в сабота во 19 часот и другата в недела во 12 часот.
Ново на Сител
-
Сиљановска Давкова на прием кај Бајден
-
АХВ: По сомнежот на труење со храна во „Ѓорѓија Пулевски“ наредено затворање на кујната
-
Мицкоски: Унгарија е наш стратешки сојузник, продолжува економската соработка помеѓу двете држави
-
ДЗС и Народна Банка потпишаа договор за соработка и размена на податоци
-
Oрбан: Грешка е што преговорите на Северна Македонија со ЕУ се’ уште не се започнати
-
Ученици од ОУ „Ѓорѓија Пулевски“ со симптоми на труење
-
Со возило излетал од пат во Ѓорче Петров, загина 72-годишник
-
Турски државјанин приведен на Деве Баир