Премиер лига: Манчестер Јунајтед ја продолжи серијата победи

Со головите на Хуан Мата во 63. и Златан Ибрахимовиќ во 78.минута, Манчестер Јунајтед вечерва славеше победа со 2:0 на гостувањето во Лондон кај Вест Хем. За „црвените ѓаволи“ ова е шести триумф во серија.

Домаќините од 15.минута играа со фудбалер помалку поради исклучувањето на Софиан Фегули поради груб прекршок.

Триумфот на Јунајтед му донесе напредок на табелата и моментално е на делбата со Тотенхем на петтата позиција, додека Вест Хем по вториот пораз по ред остана на 13.место.

Резултати на денешните натпревари од 20.коло во Премиер лигата:

Вест Хем – Манчестер Јунајтед 0:2,

Евертон – Саутемптон 3:0,

Манчестер Сити – Барнли 2:1,

Сандерленд – Ливерпул 2:2,

ВБА – Хал 3:1 и

Мидлзброу – Лестер 0:0.

Три натпревари се закажани за утревечер:

Бурнемут – Арсенал,

Кристал Палас – Свонси и

Стоук – Вотфорд.

Колото ќе биде комплетирано в среда со лондонското дерби Тотенхем – Челзи.